venres, 28 de febreiro de 2014

Venres Música: HABÍA UN COMENDO



As veces, a pronunciación de frases en distintos idiomas na que o significado nada teñen que ver fainos sorrir coma neste caso...

Trátase do famosísimo Commander de Kelly Rowland, a min decide o que queirades, pero no estribillo di: "HABÍA UN COMENDO"...

Non sei se a canción vai adicada a algún restaurante...


Pasade bo ENTROIDO

Bicos e apertas

xoves, 27 de febreiro de 2014

800€ en Premios no Entroido de Sobrado 2014



Como ven sendo habitual cada Domingo de Entroido celébrase o Día Grande das citadas festas en Sobrado. Será dentro de 3 días, o Domingo 2 cando se repartan os 800 € en premios (sumando comparsas e Individual Infantil). Estades aínda a tempo de participar, tanto se sodes de Sobrado coma de outras localidades non dubidedes en apuntarvos e acudir á cita. Haberá Xogos para Nenos, Concurso de Disfraces, Sorpresas, máis Sorpresas, Sorpresas..., xogos  e máis xogos.

Para ver ampliada a INFO picade no cartel e veredes detallados os pormenores da Festa. 

* MOI IMPORTANTE: as COMPARSAS non poden ter menos de 4 INTEGRANTES (poden ser de calqueira idade) e a NIVEL INDIVIDUAL so poderán participar @s nen@s ata 14 anos.


mércores, 26 de febreiro de 2014

Viaxa a Euskadi coa C.F. Sobrado 2014


A polifacética Comisión de Festas Sobrado 2014 organiza unha Viaxe a Euskadi para a derradeira fin de semana de marzo.

Esta innovadora actividade terá como punto álxido o Xantar de Confraternidade cos emigrantes no Centro Galego de Barakaldo o sábado 29 de marzo.

Tod@s aquel@s que desexedes viaxar a Euskadi podedes poñervos en contacto coa Comisión de Festas nos teléfonos que vedes no cartel, alí explicaranvos as diferentes modalidades que conten a viaxe así coma os seus prezos. Quenes vivades en Euskal Herria e desexedes compartir mesa e mantel coa xente chegada de Sobrado podedes poñervos en contacto coa Comisión ou ben co Restaurante "Ribeira Sacra" que é onde se celebrara esta comida tan especial.

Un saúdo e GORA EUSKADI

luns, 24 de febreiro de 2014

A Porra: Xornada 19


A Xornada 19 da porra regálanos como partido estrela un apaixoante derbi da Capital como é o Atlético - R. Madrid. Será a 4ª vez que se enfronten nesta tempada contando Liga e Copa ámbolos conxuntos. No partido de ida de Liga o Atlético fora capaz de mollarlle a orella no Bernabeu ó equipo merengue con un solitario gol de Diego Costa. Pola contra nos recentes partidos de Copa do Rei foi o R.Madrid quen lle pasou por enriba ós colchoeiros. O Madrid estrea liderato esta fin de semana e parece que o equipo de Ancelotti chega en mellor momento ó derbi que o de Simeone pero amig@s, xa sabedes como son os derbis, que non entenden nin de estados de forma nin de puntuacións..., imperará o estado de forma do Real Madrid ou o Atlético ten algo que dicir? Xa podedes deixar os vosos pronósticos.

PARTIDOS:

ATLÉTICO - R. MADRID *
BARCELONA - ALMERÍA
ATHLETIC CLUB - GRANADA
DEPORTIVO - HÉRCULES
ATL. SOBRADO - SIGRÁS

A Porra: pugna trepidante



Segue a emoción e a pugna intensa na Porra 2013/2014. Esta xornada o líder Rubencillo volveu sumar 3 puntos logo de acertar o Deportivo 1 - Alcorcón 2 chegando así os 39 puntos na clasificación. Iván Combo sitúase agora en solitaria na segunda praza con 33 logo de sumar 3 puntos no R. Madrid 3 - Elche 0. Un dos triunfadores da xornada volveu a ser Villa que logra de novo 6 puntos tras acertar os partidos do R. Madrid e o Deportivo, estes mesmos partidos acertounos Finito. Tamén Chany e Isak sumaron nesta xornada, Chany acertou o partido do Bernabeu e Isak o partido de Alcorcón. Ninguén acertou o partido estrela: R. Sociedad 3 - Barcelona 1.

PARTIDOS:

R. SOCIEDAD 3 - BARCELONA 1 *
OSASUNA 3 - ATLÉTICO 0
R. MADRID 3 - ELCHE 0
ALCORCÓN 1 - DEPORTIVO 2
CIRE MELIDE 2 - ATL. SOBRADO 1

CLASIFICACIÓN:

1. Rubencillo 39
2. Iván Combo 33
3. Pitus 30
4. Villa 29
5. Chany 26
6. Isak 25
7. Esteban / Finito / José Antonio / Villalove 23
8. Josito 20
9. Lato 18
10. Vigo 14
11. Rubio 11
12. Emilio Tato 9
13. Maite / Petete 6
14. Suso 3




venres, 21 de febreiro de 2014

Venres Música - "Safe and Sound" - CAPITAL CITIES



Non é a primeira vez que se deixa ver este video polo blog pero é que o "Safe and Sound" de Capital Cities é demasiado bo como para colgalo solo unha vez. É un de estes temas que seguirá gustando aínda que pase o tempo.

Temazo para rematar a semana. Mañá cita MOI IMPORTANTE no D-Factory Room de Melide a partires das 00,00 horas co Monólogo do gran DAVID PERDOMO. Cita ineludible.

FELIZ FIN DE SEMANA

xoves, 20 de febreiro de 2014

Agochar a idade


Por máis que intento poñerme en situación sigo sen entender o porqué algunhas persoas amosan un pánico rotundo a decir a súa idade. Esa "paranoia" moitas veces fundamentada en "querer aparentar máis xoven" que non lle encontro sentido. Non sei se é defecto de nacemento do animal ou a cousa vai "increscendo" co paso do tempo. o caso é que o tema dos anos algunha xente levao realmente mal, con un sixilo e intriga parecido o de un capítulo de "Se ha escrito un crimen".

Quizais esas persoas que te queren enganar coa idade e que coñeces de primeira man ou ben por terceiros non se dan conta que moit@s do seu igual compartiron algún tipo de acción, actividade, formación, etc cos "susodit@s" e saben de sobra que "tasa de idade" lles marca o D.N.I.

Cada un/unha ten os que ten... e non hai máis! por moito que un desexe non telos. A idade é unha das cousas de que por desgraza para algun/has non se merca nin se vende aínda que dispoñas de todo o ouro do mundo.

O meu entender a idade é o de menos, hai xente que se sinte xoven tendo uns cantos (digamos moitos) anos e vicerversa. E xa non vou tocar o binomio FÍSICO/IDADE por que ahí poderíamos entrar nun debate do que non sairíamos en semanas.

Feliz xoves

luns, 17 de febreiro de 2014

A Porra: Xornada 18


A 18ª xornada da Porra tráenos un apaixoante Real Sociedad vs F.C. Barcelona como partido máis destacado. Un encontro entre dous dos conxuntos que mellor fútbol practican na Liga BBVA e que visto o potencial ofensivo dos dous equipos é máis que probable que o empate a 0 goles non sexa o resultado que campee no marcador unha vez rematados os 90 minutos regulamentarios. O partido terá lugar o sábado 22 de febreiro as 20,00 horas e será televisado por Canal +1.

PARTIDOS:

R. SOCIEDAD - BARCELONA *
OSASUNA - ATLÉTICO
R. MADRID - ELCHE
ALCORCÓN - DEPORTIVO
CIRE MELIDE - ATL. SOBRADO

A Porra: Rubencillo novo líder


Cambio de líder na Porra logo de que Rubencillo sumase 8 puntos ó acertar o partido da xornada. De esta forma sobrepasa a Pitus, o que ata onte era o líder. Rubencillo suma agora mesmo 36 puntos mentres Pitus, que non sumou nesta xornada segue con 30. Iván Combo, que tamén acertou o partido da xornada iguala no segundo posto a Pitus cos mesmos puntos.
Chany, que acertou o citado partido chega a terceira praza na que hai ata un total de 5 participantes con 23 puntos. Un de estes participantes é Villa que sumou 6 puntos nos partidos do Atlético - Valladolid e Getafe - R. Madrid.
Emilio Tato abandona a última praza da xeral logo de sumar 6 puntos nos partidos do Camp Nou e do Coliseum Alfonso Pérez.
Vigo tamén foi quen de sumar 3 puntos coa victoria do R. Madrid en Getafe mentres Rubio sumou 3 puntos no Barcelona 6 - Rayo Vallecano 0.
Xa por último eu puiden sumar tamén 3 puntos logo de acertar o Atlético 3 - Valladolid 0.

RESULTADOS:

DEPORTIVO 1 - SPORTING 1 *
BARCELONA 6 - RAYO V. 0
ATLÉTICO 3 - VALLADOLID 0
GETAFE 0 - R. MADRID 3
ATL. SOBRADO 1 - QUEIXAS 5

CLASIFICACIÓN:

1. Rubencillo 36
2. Iván Combo / Pitus 30
3. Chany / Esteban / José Antonio / Villa / Villalove 23
4. Isak 22
5. Josito 20
6. Lato 18
7. Finito 17
8. Vigo 14
9. Rubio 11
10. Emilio Tato 9
11. Maite / Petete 6
12. Suso 3

venres, 14 de febreiro de 2014

Remataron as Cicloxéneses? Si?... FESTA!!!



Parece ser que a Cicloxénese Explosiva que arrasou Galicia a pasada madrugada e esta mañá é a última de un ciclo 8 que nos ten a tod@s ata os mismísimos...

En teoría, e so en teoría, o luns mellora por fin o tempo..., agardemos e non cantemos victoria!!!

Como é venres e coa suma desta gran nova (se finalmente se produce) toca darlle caña a música para comezar a fin de semana.

Tócalle o turno a Lily Allen co seu "Hard Out Here".

DISFRUTADE!

mércores, 12 de febreiro de 2014

Parabens MÍSTER


A historia de Fernando Vázquez e o R.C. Deportivo é coma a de aquela parella que por moitos reveses que lles dé a vida están destinados a atoparse e quererse para sempre.

Desde que Fernando Vázquez se fixo un persoeiro público, aló nos anos 90 cando adestraba ó Compos xamáis negou o seu Deportivismo, incluso cando foi adestrador do R.C. Celta máis de unha vez deixou entrever que o seu corazón era branco e azul.

A gran maioría de deportivistas hai anos atrás que imaxinabamos a F.V. como xefe do banquiño do Depor mais os anos pasaron, Fernando caeu no ostracismo e cando ninguén (ou case ninguén se acordaba del) chegou Augusto César Lendoiro para sacalo do anonimato coa famosa chamada a 1AM co agallo de que viñera a suplir a Domingos Paciencia.

O resto da historia xa a sabedes..., hoxe cúmplese un ano de que Fernando Vázquez se fixo cargo do Deportivo. Un Fernando Vázquez que dou unha carga increible de positivismo e alegría a un equipo que estaba deprimido e desganado. Un Fernando Vázquez que case consegue a proeza de salvar do descenso a un equipo totalmente á deriva e un Fernando Vázquez que renovou para levar ó Depor o máis alto por moitos anos...

A ninguén se lle escapa que será o noso "Sir Alex Ferguson" por moitos anos.

martes, 11 de febreiro de 2014

Hai que traballar cas mas!



O humorista coruñés David Perdomo, que xa fixo traballos para a TVG e Cuatro ten desde fai algún tempo un espazo no Programa "Vaya V" de Voz TV.

O seu espazo chámase "Ecceperdomo" e nel caracteriza a diversoas personaxes con vidas entrelazadas. Perdomo deu o gran salto á fama coa súa personaxe "O Koruño".

Nesta ocasión fai de "Amancio Ortiga" un antigo propietario  de "unhas 5 ou 6 empresas de Costrución na Coruña... Coruña Capetal"que deixou a vida na cidade para trasladarse ó campo e ter así as súas fincas e as súas galiñas.

Amancio critica que moita xente non sabe "traballar cas mas" e so sabe traballar con ordenadores, o longo do video vainos quedar máis que claro...

A personaxe non é que esté lograda, é que é REAL 100% e o ver o video unha e outra vez vouno asimilando a personas parecidas que levo visto por eses mundos de Deus.

Non me canso de velo.

DISFRUTADEO!

luns, 10 de febreiro de 2014

A Porra: Xornada 17


O partido estrela da Xornada 17 da Porra será o encontro máis sobranceiro da Liga Adelante que enfrontará o domingo a partires das 12,00 horas (Canal +) no Estadio Municipal de Riazor a R.C. Deportivo e Real Sporting de Gijón. Partidazo entre 2º e 3º clasificado no que pode estar tamén en xogo o golaverage entre dous equipos que por plantel están chamados a ascender esta tempada.

PARTIDOS:

DEPORTIVO - SPORTING *
BARCELONA - RAYO VALLECANO
ATLÉTICO - VALLADOLID
GETAFE - R. MADRID
ATL. SOBRADO - QUEIXAS

A Porra: 0 patatero



Xornada ruinosa para todos os que participamos na Porra. Esta xornada ninguén foi quen de sumar así que as cousas seguen igual que estaban a semana anterior na Clasificación. Agardemos que a vindeira xornada sexa máis rica en acertos (difícil non vai ser).

PARTIDOS:

R. MADRID 4 - VILLARREAL 2 *
ALMERÍA 2 - ATLÉTICO 0
SEVILLA 1 - BARCELONA4
MURCIA 1 - DEPORTIVO 0
VISANTOÑA 2 - ATL. SOBRADO 1

CLASIFICACIÓN:

1. Pitus 30
2. Rubencillo 28
3. Esteban / José Antonio / Villalove 23
4. Isak / Iván Combo 22
5. Josito 20
6. Finito / Villa 17
7. Chany / Lato 15
8. Vigo 11
9. Rubio 8
10. Maite / Petete 6
11. Emilio Tato / Suso 3

xoves, 6 de febreiro de 2014

A falta de venres, XOVES MÚSICA



Mañá por motivos persoais non poderei estar con vos así que adiantamos o venres de música a este caudaloso (no que a auga se refire) xoves.

Tócalle o turno a un dos temas estrela en música electrónica de este inverno, o "Animals" de Martin Garrix.

Debo confesar que a primeira vez que o escoitei, incluso a segunda, non me gustou, mais conforme a fun escoitando acabouseme pegando a musiquiña e agora é unha das miñas favoritas.

Tede boa fin de semana e precaución amig@s!

mércores, 5 de febreiro de 2014

4gotas.com servirá a Predición do Tempo neste Blog a partires de hoxe


A web de predición meteorolóxica galega 4gotas.com que comandan Bea Hervella e Carlos F. Balseiro será a encargada de amosarnos o Tempo en Sobrado a partires de hoxe neste blog.

Elexín esta web por dous motivos: 1º por tratarse de un produto galego e 2º polo novidosa, entretida e interactiva que me resulta esta páxina.

Agardo que sexa do voso agrado.

Un saúdo

martes, 4 de febreiro de 2014

Á Comisión de Festas de Sobrado 2014 INFORMA



Como ben sabedes este sábado 8 de febreiro a Comisión de Festas SOBRADO 2014 celebra un Cocido - Baile - Drinking no Pavillón Polideportivo de Sobrado .Un pedazo de evento do cal aínda estades a tempo de mercar as bonos para poder asistir a esta explosiva festa. A velada estará amenizada polo Grupo NEBRASKA, unha formación que promete dar moita caña.

Desde a Comisión infórmanme que HABERÁ CAÑÓNS DE CALOR PARA CLIMATIZAR O PAVILLÓN POLIDEPORTIVO e así non ter que sufrir os rigores do inverno que tanto nos está a machacar. Xa sabedes, se queredes vide en manga corta, frío para a casa seguro que non habedes de levar.

Recordade: 

SÁBADO 8 DE FEBREIRO
21,30 HORAS
SOPA DE COCIDO / COCIDO / POSTRE / CAFÉ / CHUPITO E VAIXELA DE REGALO
FESTÓN CO GRUPO NEBRASKA
SERVIZO DE COCKTELERÍA, CAFETERÍA, CHUPITERÍA... ¿¿¿WHISKERÍA???

VÉMONOS O SÁBADO A NOITE NO PAVILLÓN!!!

Un saúdo


luns, 3 de febreiro de 2014

A Porra: Xornada 16


Coa clasificación da Porra nun puño deixamos xa habilitada a xornada 16 para que vaiades facendo os vosos pronósticos. O partido da xornada será o R. Madrid - Villarreal, partidazo sen lugar a dúbidas. Pero ademáis a xornada traenos un tamén atractivo Sevilla - Barcelona onde calqueira resultado pode ser factible. O Atlético parece que sumará os 3 puntos en Almería pero, con que resultado? máis incógnita son os encontros Murcia - Deportivo e Visantoña - Atl. Sobrado.

FAGAN XOGO SEÑOR@S!

PARTIDOS:

R. MADRID - VILLARREAL *
ALMERÍA - ATLÉTICO
SEVILLA - BARCELONA
MURCIA - DEPORTIVO
VISANTOÑA - ATL. SOBRADO

A Porra: Josito súmase á festa


Josito dou un paso de xigante na Clasificación da V edición da Porra logo de sumar nin máis nin menos que 14 puntazos nesta xornada. Ademáis de acertar o partido da xornada sumou no partido do Deportivo e no do Atlético Sobrado. Polo tanto pasa dos 6 puntos que tiña a 20 ubicándose en solitario na 5º praza da xeral.

Moitos dos participantes que ocupan as primeiras prazas non perderon comba e tamén sumaron. O líder Pitus sumou co Deportivo 2 - Sabadell 1 igual que o 2º clasificado Rubencillo que tamén sumou neste encontro. Ademáis Isak e Iván Combo os dous empatado na 4º praza tamén sumaron co partido de Riazor.

O partido do Atlético Sobrado fixo que o único participante que ata o de agora non sumara, Suso, por fin o fixera. Neste mesmo encontro tamén sumou Finito.

PARTIDOS:

ATHLETIC CLUB 1 - R. MADRID 1*
BARCELONA 2 - VALENCIA 3
ATLÉTICO 4 - R. SOCIEDAD 0
DEPORTIVO 2 - SABADELL 1
ATL. SOBRADO 2 - MESÍA 1

CLASIFICACIÓN:

1. Pitus 30
2. Rubencillo 28
3. Esteban / José Antonio / Villalove 23
4. Isak / Iván Combo 22
5. Josito 20
6. Finito / Villa 17
7. Chany / Lato 15
8. Vigo 11
9. Rubio 8
10. Maite / Petete 6
11. Emilio Tato / Suso 3