xoves, 30 de decembro de 2010

Como antesala á Fin de Ano temos...

Encóntraste forte para encarar Fin de Ano? tes desde "xa" gañas de festa? quéres sair a divertirte hoxe 30 de decembro para ir quentando motores para mañá? desde latosobrado.blogspot.com propoñémosvos un par de opcións para a noite de hoxe para aqueles que xa sintan as burbullas no seu estómago que lles indican que o Fin de Ano xa comezou:

Opción 1: desde xa hai uns anos, o día 30 de decembro hai visita obligada á discoteca Palladium Melide, alí Javi e Miguel encárganse de que Fin de Ano dure o maior número de horas posible traendo sempre a dúas das mellores orquestras do momento. Desta volta as orquestras elexidas son Paris de Noia e Olympus. Esta actividade soe encher a sala ata os topes e estou seguro que de novo hoxe vai estar a reventar e será un exitazo.
Opción 2: a recén inaugurada discoteca Kull de Pontecarreira (Frades) por primeira vez abrirá as súas portas o día 30 para darlle cabida a esas cabeciñas inquedas que teñen gañas de festa. A verdade é que o menú que ofrecen é moi apetitoso: Panorama e Marbella... case nada.

As 4 mellores orquestras do momento fronte a fronte en dúas salas non moi alexadas en kilometraxe..., haberá alguén que se atreva ir hoxe os dous sitios?

mércores, 29 de decembro de 2010

O 2010 vai chegando o seu fin



Pouco máis de 2 días quedan para que remate este 2010 que musicalmente falando trouxo un triunfador por riba de moitos outros. Non pode ser outro que o "deejay" francés David Guetta que co seu disco "One Love" consagrouse como un dos artistas máis importantes a nivel internacional. O traballo en cuestión ten auténticos temazos, vou deixar colgado o Sexy Chick no que Akon tamén ten parte importante. Unha canción que xerou moita controversia ó acusar algunhas asociacións feministas o bo de David de machista por este tema.
Non me vou meter neses berenxenais, tan so direi que a canción é espectacular e o videoclip a min particularmente gústame.

Saúdos

A discoteca de Sobrado non será reinaugurada

Como moitos ben sabedes onte foi o Día dos Santos Inocentes e a broma que quixemos gastar desde este blog foi que a discoteca de Sobrado volvería a abrir as súas portas. Tan so foi o sono de un día, ou quen sabe...

Grazas pola vosa simpatía

Saúdos

martes, 28 de decembro de 2010

Logo de anos pechada, a discoteca de Sobrado abrirá de novo as súas portas

Así o puidemos saber na mañá de hoxe. Un coñecido empresario relacionado coa marcha nocturna que xa ten negocios de este estilo invertirá na antiga Supernova coa conseguinte reforma e cambio de nome. Parece ser que a idea principal será a súa apertura para as noites dos venres desde os meses de outubro a maio co agallo da tempada baixa e que é nesta época cando menos festas patronais existen polo que seguro que as mellores orquestras do panorama musical galego pasarán polo esceario da sala. Unha sala que foi inaugurada aló polo ano 1984 baixo o nome de Orbita 4 para logo pasarse a chamar Vértice. Unha das súas mellores épocas chegou cando baixo a denominación de Supernova fixo que moitos dos artistas nacionais máis importantes de principios dos 90 (Amistades Peligrosas, Los Manolos, Azúcar Moreno, Los Sobraos, Los Chunguitos ou Chiquito de la Calzada) actuasen na sala que ten unha capacidade de unhas 2.000 persoas. Supernova pechou as súas portas definitivamente no ano 1995.
Con esta vindeira apertura da discoteca, Sobrado únese a moda de outros pobos cercanos onde está a funcionar o de "reinaugurar" antigas salas que estaba paradas para darlle vida ó pobo na noite dos venres como por exemplo está a pasar en Pontecarreira coa discoteca Kull.

En canto haxa novas ó respecto seguiremos informando...

A Porra: xornada 9

Volve á Porra que será a primeira do ano 2011 pero con un inciso; debido ó litixio que manten a AFE coa Liga de Fútbol Profesional corre perigo a xornada de Liga pois ata podría non disputarse o entender a Asociación de Futbolistas Españois que o domingo 2 de xaneiro é día de vacacións. O que sí está claro é que o derbi Cire Melide - Atl. Sobrado sí que se disputara agás causa de forza maior. Se non se disputasen o resto de encontros da Liga BBVA sumaríanse na data en que se xogasen.

Estes son os encontros:

Athletic - Deportivo * PARTIDO DA XORNADA
Barcelona - Levante
Getafe - R. Madrid
Cire Melide - Atl. Sobrado

Animádevos a participar!!!

xoves, 23 de decembro de 2010

Boas festas xente!

Quero expresar os meus mellores desexos para todos vos nestas festas e no ano que axiña comeza. Ogallá todos os bos propósitos se fagan realidade e por suposto que o 2011 veña cargado de saude, ilusións e sonos cumpridos.
Hoxe comeza a previa do Nadal pois hai xente que mañá non se ten que incorporar o seu posto de traballo. En Sobrado o día de noiteboa moitos de vos xa sabedes como "funciona", desde a hora do café varios "personaxes" baixamos para o bar a xogar as cartas e tomar café con algunha saborosa brevaxe galega. Para a continuación comezar a ronda por todos os bares do pobo (nalgúns incluso se repite volta), conforme van pasando as horas vaise incorporando máis xente ó rebaño provocando discuscusións do típo: "aghora pagho eu, non pagho eu que aínda non paghei nada" xa tradicionais. Total o resumo dos desperfectos da primeira etapa do día sáldase con unha alegría incontida polos integrantes, os bares cheos ata as 21.30-22.00 horas e chegada a cea tarde, mal e arrastro.
A segunda etapa do día comeza trala cea, é moi tradicional en Sobrado baixar o pobo despois de cear, varios locais abren as suas portas para dar renda solta a celebración de un día tan especial. Algúns prefiren quedar na casa, outros polo contrario optamos por baixar e compartir en amor e compañía dos nosos amigos unhos brindis polo Nadal, pola camarera ou camarero, porque o Deportivo lle gañou a copa do Centenariazo o Madrid, pola caida de Pazitos no 2002 na cea do Atlético Sobrado ou por que eu estou a fumar un puro... (calqueira excusa é valida).
Finalmente e cando o corpo xa non pode máis, toca subir a repousar e cargar pilas para o día seguinte.

O dito, que pasedes unhas felices festas e que para min é un orgullo que veñades a visitarme habitualmente a este ciberespazo.

Un auténtico pracer.

Bicos e apertas.

mércores, 22 de decembro de 2010

Non puido ser... agardamos a Reis


A sorte foi esquiva co 38036 que xogabamos no Club Atlético Sobrado Xuventude e non obtivo, nin premio gordo, nin premio fraco, nada de nada. Decir que en Galicia vendeuse unha serie do segundo premio en Santiago de Compostela, concretamente na Administración de Porta Faxeira (cantas veces merquei alí lotería), moito máis preto de nós, en Arzúa, tocou un quinto premio (esta administración hai duas semanas dou un premio de bonoloto de máis de 100.000€), ademáis outras localidades coma Ribadumia (Pontevedra), A Coruña, Vigo ou Lugo tamén foron agraciadas con premios menores.
Non vou caer no tópico de decir que "Hoxe é o día da saude" (que por suposto é o principal), o que si anuncio é que para o sorteo de Reis, volvemos a carga!!! o Club Atlético Sobrado Xuventude, no seu empeño de facervos a todos ricos, poñerá no día de hoxe ou todo máis tardar mañá un novo número en xogo para ver se pillamos un "piquiño" xa que desta volta non puido ser.

Ogallá alguén dos que me estades a ler supere os meus 60 euros de ganancia no sorteo desta mañá... - moi difícil non é-.

Saudos

martes, 21 de decembro de 2010

Kylie, a fera indomable



Kylie Minogue é unha das deusas da música pop internacional. Seguen pasando os anos e as veces a vida tamén che pon atrancos no camiño, pero a rubia australiana parece ter o don da eterna xuventude. Ademáis cada novo traballo que quita a venta sorpréndenos coa vitalidade da súa obra. Hoxe déixovos "Get outta my way" (Sae do meu camiño), o segundo hit tras "All the lovers" do seu novo disco "Aphrodite".

Saudos

Sobrado xa agarda ó Gordo de Nadal

O peixe xa está vendido, Sobrado agarda con esperanza o Sorteo da Lotería de Nadal que se celebrará mañá en Madrid. Para este ano o pobo confía nun número, concretamente no 38036 o número do Club Atlético Sobrado Xuventude que debido a que este ano non hai Comisión de Festas e polo tanto tampouco houbo número de lotería da citada organización incrementou as súas ventas ata irse as 29,2 series vendidas, 292 décimos que de tocar faran feliz a toda unha pequena zona do corazón de Galicia e achegados.
Nin que decir ten que o champán xa está a bo recaudo por se acaso a sorte nos quere vir a visitar e nos outorga uns euriños..., coñezo eu a varios que coa de décimos que teñen deste número non volven a pegar pao a auga no que lles resta de vida...,
Mañá saberemos o desenlace...

Sorte!

luns, 20 de decembro de 2010

A Porra: o líder mete a directa, Esteban séguelle a estela

O líder da porra, Finito, de novo andivo acertado esta xornada. Desta volta foi o Deportivo - Sporting o que lle sumou 3 importantes puntos. Non lle andivo a zaga Esteban, que atinou o mesmo encontro e situándose así na segunda posición en solitario, agora é Alberto o que ocupa o 3º posto. O novo participante que comezou esta semana, Gadel, non puido conseguir ningún acerto, ogallá se anime e participe todas as xornadas para darlle máis "vidilla" á Porra.

Os RESULTADOS foron os seguintes:

Espanyol 1 - Barcelona 5
R. Madrid 1 - Sevilla 0
Deportivo 1 - Sporting 1
Atl. Sobrado 2 - Boimorto 3

Polo tanto a CLASIFICACIÓN queda do seguinte xeito:

1. FINITO 12 puntos
2. ESTEBAN 9 puntos
3. ALBERTO 6 puntos
4. PITUS 5 puntos
5. EMILIO, LATO 3 puntos
6. FERREIRO9, GADEL 0 puntos

* Recordarvos a tod@s que con motivo do parón de nadal non haberá competición ligueira ata o fin de semana do 2 e 3 de xaneiro do 2011 polo tanto ata o vindeiro luns 27 (feira de Sobrado para máis señas) non poñerei a seguinte xornada.

Saudos

venres, 17 de decembro de 2010

As cousas boas non importa repetilas



Cando algo che gusta ou che gustou non importa repetir...hai cousa de case dous anos xa deixei este video colgado nun post pero quero volver a poñelo por dous motivos:
O primeiro é para darlle a benvida as festas do Nadal que para moitos e moitas oficialmente comezan hoxe. Son días de celebración e quero que todo, pero que todo o mundo esté alegre, disfrute, comparta todas as cousas boas cos seres queridos e sobre todo que sexa moi feliz.
O segundo motivo é para homenaxear (unha vez máis) a este auténtico fenómeno que é SASH!, para o meu gusto o mellor dj da historia do dance, o creador, o alma máter de moitos proxectos de música electrónica (non so dance), o colaborador de xente tan importante coma Pet Shop Boys ou Chemichal Brothers, o tío que sempre nos alegra coa súa música, o fenómeno que nos alegra cos seus temas..., esgótanseme os calificativos positivos para este auténtico crack.

Disfrutade do "Raindrops" de Sash coa colaboración de Stunt, un tema que ten as bases do Encore une Fois pero aínda é máis cañero se cabe.

Unha aperta, bo nadal.

xoves, 16 de decembro de 2010

Tes cartos e non sabes onde metelos?

Este blog, preocupado pola economía d@s lector@s propón no día de hoxe unha boa iniciativa se tedes bastantes cartos e non sabedes onde gastalos. E non falamos nin de accións en Inditex nin un chalet nas Bahamas nin moito menos de un Lamborghini. Trátase de unha aldea de Turismo Rural na provincia de Soria, concretamente o seu nome é Valdelavilla e véndese de xeito íntegro. En total son 21 vivendas que conforman 12 Casas de Turismo Rural habilitadas todas elas para uso e disfrute de posibles clientes. Como particularidade da zona compre decir que foi o primeiro pobo español onde o inglés foi a súa língua oficial. Non se saben ata o de agora as cifras nas que pode andar rondado esta inversión, pero seguro que é un caramelo moi apetecible para grandes firmas inversoras do sector hosteleiro e turístico.
So de pensalo fáiseme a min tamén a boca auga..., quen tivera un pastón para invertir eiquí..., me caso en Soria!!!!

Déixovos a nova da edición dixital de El Mundo

Sale a la venta un pueblo abandonado de Soria dedicado al turismo rural

La SA Soria Tierras Altas propondrá venta del casco de Valdelavilla
Tiene 21 viviendas reformadas en un complejo de 12 casas rurales
Fue el primer pueblo español con el inglés como idioma oficial


La Sociedad Anónima Soria Tierras Altas propondrá a sus socios, en la próxima Junta General, vender el casco urbano de Valdelavilla, abandonado en 1968 y reconvertido en centro de turismo rural. Desde la sociedad prefirieron no desvelar el precio de venta del complejo ya que esa información se dará en primera instancia a los socios de la firma. La Junta General está convocada para el próximo día 18 de enero a las 18.00 horas en el salón de Pleno de la localidad de San Pedro Manrique en primera convocatoria.
Entre los socios de Soria Tierras Altas figuran entre otros la Caja Rural de Soria con un 29% del capital y el Grupo Financiero Duero con el 12%. Además también son socios varios empresarios de la provincia y tienen también participación los ayuntamientos de la comarca a través de la Mancomunidad de Tierras Altas según confirmó Gracia.
El secretario del consejo de administración, Francisco Javier Gracia, ha señalado que "el objetivo de la sociedad es el desarrollo de nuevos proyectos". En la carta que se les enviará a los socios, Soria Tierras Altas comunica que "una vez que se ha conseguido un equilibrio en la cuenta de explotación y aclarados los conflictos sobre la propiedad se propone la venta para llevar a cabo nuevos proyectos". Gracia explicó que la firma ha tenido que hacer frente a varios contenciosos para aclarar la propiedad del casco urbano de Valdelavilla y que todos se han resueltos a favor de la sociedad de la que es miembro. "Valdelavilla ya funciona y queremos que alguien siga explotando este complejo" puntualizó Gracia.
El casco urbano de Valdelavilla estaba formado por 21 viviendas que quedaron reformadas en un complejo de 12 casas rurales. Dentro de los servicios que ofrece al visitante destaca que tiene capacidad para albergar a 70 personas, goza de red wi-fi, un jardín ecológico, pistas forestales con vistas al Moncayo.
En la página web del Centro Turístico Rural de Valdelavilla se ofrece una pequeña radiografía de lo que han sido los últimos 50 años de la población. "En 1950, contando con 60 habitantes, sufrió un proceso de emigración a los centros urbanos, alentado por las expropiaciones para la repoblación forestal. En 1968 el pueblo queda vacío" relata.
En los años 90 se llevó a cabo una profunda y respetuosa rehabilitación, preparando el pueblo para dedicarlo al turismo rural. También destacan en su página web que "el 4 de julio de 2001, Valdelavilla se convirtió en el primer pueblo de España donde el idioma oficial era el inglés. Desde entonces, miles de angloparlantes han pasado por la aldea para participar en el programa de inmersión lingüística diseñado por Richard Vaughan".

mércores, 15 de decembro de 2010

Festa da cervexa en Casa Tato o venres 17

Pasado mañá venres 17 de decembro os amantes da boa cervexa teñen unha cita ineludible en Casa Tato (Sobrado dos Monxes) a partires das 21.00 horas. No citado local hostaleiro celebrarase a Festa Estrella Galicia onde haberá infinidade de regalos e sorpresas.
María José, encargada da dirección de Casa Tato animavos a todos a que vos pasedes este venres polo seu local e degustedes Estrella Galicia do xeito que máis vos guste: en caña, en quinto, en tercio, para os "gourmets" (1906), e se tedes que conducir non dubidedes en pedir River Zero, sen ningún tipo de graduación alcohólica. Cervexa para todos os gustos e en todos os formatos.

*Fago miñas as verbas do gran Pepe Domingo Castaño: "Estrella Galicia, una cerveza de carallo"

Repetimos, venres 17 de decembro a partires das 21 horas gran Festa da Cervexa Estrella Galicia en Casa Tato, rúa Plaza Portal, Sobrado dos Monxes.

Ceuta tamén existe

Así é, amigos e amigas, deixo por eiquí o último videoclip de "Taxi", como ben sabedes os seus 3 compoñentes formaron parte hai algúns anos do extinguido grupo Melón Diésel. Con este "Perdido en la calle" os ceutíes reafirmanse en que na actualidade son un dos grupos máis en forma do panorama musical nacional.

Que a disfrutedes!

martes, 14 de decembro de 2010

A pregunta da semana

Qué empresario sobradés ven de montar unha cadea de "reparto de zorza" a domicilio?

luns, 13 de decembro de 2010

Xa sabedes o que lle ides pedir ós Reis Magos?

Quedan escasamente 3 semanas para a máxica noite do 5 de xaneiro onde coma cada ano os Reis Magos visitarán as casas de todos aqueles e aquelas persoas que se portaran ben ó longo do ano.
Correos xa puxo a disposición dos usuarios 174 buzóns ó longo de toda España destinados a esta causa ademáis de un modelo oficial de carta para facer as peticións as súas maxestades de Oriente.
Debédesvos apresurar pois hai como data tope para mandar a carta cos vosos desexos ata o 28 de decembro (Día dos Santos Inocentes por outro lado).
A día de hoxe aínda teño as miñas dúbidas a hora de escribir a carta polo que probablemente quedará ata última hora do día 27...

Podedes ler a nova da edición dixital de La Voz de Galicia:

NAVIDAD

Correos instala 174 buzones exclusivos para Melchor, Gaspar y Baltasar

En las oficinas postales, los pequeños que deseen escribir a los tres Magos de Oriente podrán, además, hacerse con un ejemplar del modelo «oficial» de carta.

Ciento setenta y cuatro buzones instalados en otras tantas oficinas de Correos de toda España recibirán de forma exclusiva, a partir del miércoles y hasta el día 28, las cartas que los niños españoles escriban a los Reyes Magos con los juguetes y regalos con los que sueñan este año.
Los buzones para entrar en contacto con Melchor, Gaspar y Baltasar estarán en las oficinas principales que Correos tiene en las 50 capitales de provincia, en las ciudades autónomas de Ceuta y Melilla y en otras poblaciones como Ferrol, Reus, Ibiza o Jerez de la Frontera, hasta completar la lista de 174.
En las oficinas postales, los pequeños que deseen escribir a los tres Magos de Oriente podrán, además, hacerse con un ejemplar del modelo «oficial» de carta, de la que Correos distribuirá unos trescientos mil ejemplares por toda la geografía española.
Recibida la misiva en la dirección de destino, las oficinas que los Reyes Magos tienen en Oriente, un Cartero Real contestará también por carta a cada niño informándole, en su propio domicilio, de que la carta con la lista de juguetes ya está allí y que Sus Majestades estudian con interés su contenido.
En las localidades donde no haya buzón especial los niños podrán enviar sus cartas a través de la web de Correos (www.correos.es). En este caso también les responderá el Cartero Real, aunque a través de la Red.



A Porra: xornada 8

Deixo por eiquí os partidos en xogo para a xornada 8 da Porra, que será a última antes do parón de Nadal e polo tanto a última tamén deste ano 2010 que xa agoniza.

Afinade ben:

Espanyol - Barcelona* PARTIDO DA XORNADA
R. Madrid - Sevilla
Deportivo - Sporting
Atl. Sobrado - Boimorto

Que teñades sorte!

A Porra: Finito atina o partido da xornada e xa lidera en solitario

O flamante campión da tempada pasada da Porra de latosobrado.blogspot.com Finito volveu a amosar unha vez máis as súas dotes adivinatorias no que a resultados futbolísticos se refire (ogallá fose así na lotería que xa lle estabamos preguntando o número premiado). O "torero" de Vilariño atinou o resultado da xornada, na derrota do Deportivo na noite do sábado do madrileño estadio Vicente Calderón. Con este acerto Finito suma 6 valiosos puntos que o aupan o liderato da porra. Polo que respecta ó resto dos participantes da xornada ningún de nós foi quen de atinar algún pronóstico.

Estes foron os resultados:

Atlético 2 - Deportivo 0
Barcelona 5 - R. Sociedad 0
Zaragoza 1 - R. Madrid 3
Poulo 1 - Atl. Sobrado 0

CLASIFICACIÓN XORNADA 7

1. Finito: 9 puntos
2. Esteban, Alberto: 6 puntos
3. Pitus: 5 puntos
4. Emilio, Lato: 3 puntos
5. Ferreiro9: 0 puntos

Grazas a todos por partipar, ogallá se anime máis xente

Saudos

venres, 10 de decembro de 2010

Somos moi grandes




Este video encontreino no youtube e vai adicado a todos aqueles que sentimos ó Real Clube Deportivo da Coruña no máis fondo do noso corazón. Dame un verdadeiro subidón este video, imprégname de recordos o ver as imaxes de algúns dos partidos que puiden vivir "in situ" tanto en Riazor coma no Bernabeu.

Buf, é tremendo!!!

Aquí tamén ten espazo a música latina



Como cada venres deixo por eiquí un videoclip musical. Desta volta tócalle a música latina e concretamente a Enrique Iglesias, o fillo de Julio "weah" e parella da ex-tenista Anna Kounikova. Elexín este tema "Escape" do ano 2001 porque cando en algún lugar escoitamos música de "Enriquito" soen poñer outras cancións pero esta en concreto soe quedar máis no olvido e para min é unha das mellores que ten (para gustos cores). Por certo, anda que non se "puxo as botas nin nada" Kike Churches no videoclip coa Kourni...

Que disfrutedes deste soleado día, (como subiu a temperatura con respecto a onte) e que teñades unha boa fin de semana. Coma sempre vémonos luns e xa imos quentando motores para todo o "pifostio" que nos agarda no Nadal.

Vainos cundir...



Unha aperta

xoves, 9 de decembro de 2010

Diñeiro chama á diñeiro


Con un ollo "á virulé", o seu rostro prácticamente desfigurado e cara de poucos amigos. Así aparece Bernie Ecclestone, o presidente e director executivo da Formula One Management, no novo anuncio de Hublot, para o que rentabilizou a paliza que recibiu de mans de uns cacos que entraron a roubar (non carteiras pero casi) hai uns días no seu luxoso ático situado no londinense barrio de Chelsea. ‘Mira o que fai a xente por un Hublot’, reza o slogan do anuncio que saiu a luz pública fai uns días. Coa sua visión para os negocios, está claro que Bernie soubo quitar un "piquiño" da impresionante agresión que sufriu por parte de un grupo de ladrons ante a impotencia de sua xoven e guapa noiva, a brasileira Fabiana Flosi, de 31 anos. O que non se sabe é se a firma reloxeira chegaría a pagar os 280.000 euros que se levaron los ladrones entre diñeiro en metálico, xoias e outros obxetos de valor.

martes, 7 de decembro de 2010

A festa do ascenso

Como as veces somos demasiado tranquilos, aínda tiñamos pendente a celebración do ascenso de categoría en fútbol sala que xa acadamos hai uns cantos meses. Que mellor data que hoxe, véspera de festivo, na metade da ponte da Constitución para celebrar tan magno evento...
A cea e posterior festa será na Coruña e por suposto non faltarán as visitas obligadas os locais máis carismáticos da cidade. Baixaremos uns cantos desde "a montaña" para unirnos ó "clan coruñés" e alí xuntar as nosas forzas para facer desta noite algo inesquecible.
Por se a alguén do equipo aínda non lle quedara claro: XA SOMOS DE PRIMEIRA!!! ah, e por certo, que ninguén descarte de novo o ascenso este ano...

P.D: HOY BAJAN LOS MONTAÑESES CHORVO!

A PORRA: xornada 7

Logo de unha xornada rica en acertos deixo por eiquí os partidos que serán válidos para a disputa da séptima semana da porra.

Atlético - Deportivo * PARTIDO DA XORNADA
Barcelona - R. Sociedad
Zaragoza - R. Madrid
Poulo - Atl. Sobrado

SORTE!!!

A Porra: Alberto da un golpe de efecto co partido da xornada

Alberto púxose colíder da porra de latosobrado.blogspot.com logo de acertar o resultado do partido da xornada, o R. Madrid - Valencia, un acerto que lle outorga 6 puntos.
Andivo máis atinado Pitus, que atinou o Osasuna - Barcelona e o Deportivo - Hércules pero o non atinar o partido da xornada e a pesares de ter un acerto máis sumará 5 puntos.

Os resultados foron os seguintes:

R. Madrid 2 - Valencia 0 * Partido da xornada
Osasuna 0 - Barcelona 3
Deportivo 1 - Hércules 0
Curtis 4 - Atl. Sobrado 2

CLASIFICACIÓN:

1. Esteban, Alberto= 6 puntos
2. Pitus= 5 puntos
3. Emilio, Finito, Lato= 3 puntos
4. Ferreiro9= 0 puntos

Grazas a tod@s por participar

venres, 3 de decembro de 2010

Feliz acueducto



Desde latosobrado.blogspot.com querémosvos desexar que teñades un feliz acueducto a tod@s @s lector@s. Disfrutade o máximo posible e coidadiño co frío e a choiva. Hoxe deixo por aquí un dos mellores temas de The Cure (para min o máis guapo), "Just Like Heaven" en HD.

Bicos e apertas

O prometido é débeda, as fotos da nevarada

Estas son algunhas das fotos tiradas en Sobrado entre o día de onte e o de hoxe co aliciente da nevarada caida nas últimas 48 horas. Grazas a Nieves Lamas e Juan González por permitir que comparta con vos estas instantaneas. Decir tamén que o "personaxe" que posa nesta primeira foto está a disfrutar coma un verdadeiro anano, habería que lembrar unha vez máis a archiconocida frase que pulula por Sobrado: "I can´t never stop" (O meu can nunca para...)

















































































































































































































xoves, 2 de decembro de 2010



Para os que nos gusta a neve e vivimos en Sobrado hoxe non é un día máis. O mencer deste xoves 2 de decembro foi máis fermoso do habitual no noso querido pobo. O Mosteiro de Santa María amosaba toda a súa grandeza entre a noite e o día sumando a ilúminación da súa fachada co resplandor do branco manto que cubre Sobrado. Unha neve con un espesor de uns 10 centímetros pintou a capital sobradense dende primeira hora da mañá e neste preciso momento está a nevar copiosamente co cal se prevee que o "manto" siga medrando. Case non teño ningunha foto do día de hoxe pero constame que Juan Karnotxo sí que puido ir a facer un pequeno recoñecemento da "zona" polo que se gardou as instantaneas seguro que gustosamente mas pasará e poderei compartilas con vos desde este blog.

A verdade é que a postal que temos agora mesmo merece moito a pena, está todo precioso.

Con un día de neve coma o de hoxe penso que a canción de Anggun "Snow on the Sahara", un clásico, vaille o pelo. A concordancia entre a música e a velocidade que cae a neve é perfecta.

Saudos nevados

mércores, 1 de decembro de 2010

A ola de frío azota con forza

Xa hai uns días que chegou e ameaza con quedarse polo menos ata o sábado. A ola de frío que invade a gran maioría das comunidades españolas faise sentir con forza tamén en Galicia e moi concretamente no corazón do Fogar de Breogán onde nos ubicamos. Na noite do luns xa puidemos ver como unha intensa nevada deixaba un manto branco por unhas horas na nosa zona. Lonxe do perigo que podería producir a xeada por riba desa neve comezou a chover logo de cubrirse o ceo e borrou case todos os efectos da intensa nevarada. Onte a pesares do intenso frío a neve que cubría aínda algunhas cunetas non presentaba atrancos para circular calqueira clase de vehículos pero parece que hoxe a cousa vai cambiar (ou xa está cambiando) e pola capital sobradesa hai cuestión de unha hora puidose ver unha forte granizada..., é o aviso previo a nevarada que segundo os partes meteorolóxicos nos visitará en unhas horas e que previsiblemente mañán tamén nos acompañará. A partires do venres parece que remite o temporal de frío e neve e recuperamos algo as temperaturas que aínda serán con precipitacíons de neve. Sábado e domingo teremos choiva no lugar de neve e subirán algo as temperaturas máximas e mínimas.
Toca abrigarse e se pode ser posible quitar as cámaras para inmortalizar as espectaculares postais que nos outorga a señora neve cada vez que nos visita. Di o refrán que "ano de nevaradas ano de bens", ogallá así sexa e tod@s e cada un dos que nos citamos por eiquí habitualmente teñamos un remate de ano sinxelamente espectacular.

Deixovos a información da edición dixital de La Voz de Galicia:

O tempo

Previsión xeral Hoxe: Mércores, 01 de diciembre

Comentario

Un día máis continuaremos baixo a influencia dunha masa de aire moi frío e certo grao de inestabilidade aportado polas baixas presións que se sitúan ao norte da península Ibérica. Deste xeito, teremos chuvascos intermitentes,que serán de neve en cotas relativamente baixas, entre os 400 metros durante a mañá e os 300 metros pola tarde; estes chuvascos serán máis probables e xeneralizados pola tarde. As temperaturas mínimas terán un lixeiro ascenso, as máximas non sufrirán cambios, pero o frío será a nota predominante durante a xornada. Os ventos soprarán de compoñente norte, frouxos no interior e moderados no litoral.

Estado do Ceo
Chuvascos intermitentes, que serán de neve en cotas relativamente baixas, entre os 400 metros durante a mañá e os 300 metros pola tarde; estes chuvascos serán máis probables e xeneralizados pola tarde.

Temperatura
Temperaturas mínimas en lixeiro ascenso e máximas sen cambios.

Vento
Ventos de compoñente norte, frouxos no interior e moderados no litoral.

Temperaturas previstas Localidade Temperatura Máxima Temperatura Mínima
Ferrol 10ºC 4ºC
Fisterra 10ºC 5ºC
Santiago 7ºC 3ºC
Monforte 7ºC 1ºC
Lugo 7ºC 1ºC
Ribadeo 10ºC 6ºC
Viveiro 9ºC 5ºC
Ourense 10ºC 5ºC
Verín 7ºC 1ºC
Lalín 6ºC 2ºC
Pontevedra 11ºC 5ºC
Vigo 11ºC 4ºC
Vilagarcía 11ºC 6ºC
A Coruña 10ºC 6ºC
Pedrafita 0ºC -2ºC
O Barco 7ºC 1ºC
Cuntis 10ºC 3º
C

Datos: Meteogalicia, Consellería de Medio Ambiente, Territorio e Infraestruturas, Xunta de Galicia

Cando todo o mundo está de acordo por algo será...

Plantexábase na enquisa do mes de novembro co agallo da próxima inauguración do Centro Comercial de A Coruña "Marineda City", o centro comercial máis grande de España se na cidade herculina existen xa demasiados centros comercias para o volume de xente do que dispón a cidade e a súa área de influencia, os resultados non puideron ser máis acordes, o 100% de participantes na enquisa opina que SI hai centros comerciais de abondo, con un total de 18 votos. O igual que todos os que votastes comparto a miña opinión, creo que o pequeno comercio da cidade estáselle a facer un fraco favor. Agardaremos pois acontecementos.

Grazas a todos e a todas por participar, en breves estará xa a derradeira enquisa do ano, a do mes de decembro.