Italia: qué experiencia!

(Imaxe de Poggio Bustone dende a capela de San Francesco)

Xa estamos de volta e vimos coa cara de satisfacción que che da coñecer preciosos lugares, facer un Irmandamento tan belo coma o que tivemos o Concello de Sobrado e o Concello de O Pino con Poggio Bustone na provincia de Rieti (agora teremos actividades conxuntas) e o mellor de todo, coñecer a unha xente que nos tratou coma se nos coñecesen de toda a vida e que tiveron unha atención con nós digna de ser admirada.

Poggio Bustone é unha pequena "comune" do centro de Italia de 2.200 habitantes situado a uns 100 kilometros de Roma, un concello pequeno coma o noso onde todos os habitantes se coñecen e te fan sentir coma na propia casa. Asentado na falda de unha montaña que na súa cima acada os 1800 metros de altura con respecto ó nivel do mar non difire moito da paisaxe rural galega.

Foron moitas as experiencias que vivimos e moitos os lugares que visitamos ademáis de "convivir" por unha semana en Poggio Bustone: Rieti, Asís (un lugar máxico), Roma, Terni..., paisaxes belas, monumentos únicos e unha natureza que axuda a que todo sexa aínda máis fermoso: natureza, arte e historia unidos para formar unha zona (a do Lazio) que sen lugar a dúbidas merece moito a pena.

Recibironnos con unha festa: a 59ª Sagra della Porchetta (Cochinillo asado) e despedironnos na noite do venres con unha festa sorpresa logo de cear: unha charanga tocou para nos e a carretera quedou literalmente cortada con todo o pobo de Poggio Bustone e a representación galega bailando sen parar o son da música.

O acto central de "Irmandamento" tivo lugar o mércores pola mañán e logo das verbas de Esteban como representante do Concello de Sobrado tocoume a min como técnico de Turismo resaltar as cualidades do noso Concello, a verdade é que o principio non é fácil cando ves que cámaras de televisión te están a grabar, cámaras de fotos apuntante e eres centro de atención do salón de actos do concello baixo a vixilancia da bandeira italiana, da europea e da española..., (a verdade que "acongoja" ver o que representas nese momento, na súbida dende o hotel ata a casa consistorial, uns 2 kilómetros, bandeiras españolas e italianas danzando o son do vento, nese momento daste conta que vas asistir a un acto que pode marcar o futuro dun lugar, dun pobo, de unha zona e que seguro que ha de ser moi positivo no devir dos vindeiros anos) pero segundo avanza o acto os nervos vanse calmando sabendo que está a chegar o fin da exposición e que axiña se proxectará un video do noso municipio. Un video que por certo gustou moito as autoridades italianas e que cando visiten o noso territorio poderanas ver in-situ. Agardamos darlle unha acollida tan calurosa coma a que alí nos brindaron.

Quero agradecer a esta maravillosa xente italiana: Staffania, Emilio, Angelo, Andrea, Francesco, a xente da Asociación Pro Loco de Poggio Bustone e en especial a Flora (que comezou sendo a nosa traductora e que en apenas 1 día se convertiu en nosa amiga) o seu bo facer para con nos. Estamos desexando xa que veñan a Galicia para comezar a traballar xuntos e amosarlles as nosas maravillas (que tamén as temos e moitas).

Tamén quero resaltar que coñecimos a Ana e Raquel (técnicas de cultura e turismo respectivamente do Concello de O Pino e que a verdade é que son unhas rapazas excelentes).

Destacar o bo comportamento do alumnado de relixión do Instituto de Melide que tiveron a función de vir apoiar este acto ademáis de compartir convivencia e que a verdade é que responderon con creces non creando nin un so problema e portandose de maneira moi educada en todo momento: un 10 para tod@s.

P.D. teño case 300 fotos polo que sería imposible poñelas eiquí, polo tanto están todas descargadas en Facebook, os que desexedes velas agregademe sen ningún problema.

Grazas pola vosa atención.

Saudos