O Camiño Norte cara a Compostela

Hoxe quérovos falar do Camiño Norte que vai cara a Santiago de Compostela que é o que pasa por Sobrado. Particularmente pareceme que é unha das rutas máis fermosas e históricas (por non decir a que máis) de todas as que pertencen o Camiño de Santiago: As localidades polas que transita o Camiño Norte non teñen desperdicio:

Hendaya - Donosti - Zarautz - Guernika - Bilbao - Laredo - Santander - Santillana del Mar - Comillas - Llanes - Ribadesella, a partires de aquí duas variantes: interna, por Oviedo (onde enlaza co Camiño Primitivo) ou costeira, por Avilés e Luarca, ate entrar a Galiza por Ribadeo - Mondoñedo - Vilalba - Lugo - Sobrado - Santiago.

Esta é un pouco da historia do Camiño Norte:

Case inmediatamente despois do descubrimento da tumba do Apóstolo Santiago no século IX os peregrinos comezaron a seguir os camiños astur-galaicos para chegar a Santiago, tendo en conta que a meseta -pola que POSTERIORMENTE trazarían o Camiño Francés- estaba aínda ocupada pola invasión musulmá. A ruta permitía os peregrinos, chegados por terra desde Francia ou desembarcados nos portos vascos, cántabros e galegos, enlazar a tradicional visita ao Salvador na Catedral de Oviedo ou continuar pola costa asturiana ate a ría do Eo.


ADICADO OS MILES DE PEREGRINOS QUE CADA ANO VISITAN E SE HOSPEDAN EN SOBRADO.

BO CAMIÑO